Xəbər verdiyimiz kimi, Vətənə xəyanətdə ittiham olunan və 17 il azadlıqdan məhrum edilən İslam Partiyasının üzvü, Qarabağ qazisi Səbuhi Səlimov martın 2-də Bakı Apelyasiya məhkəməsində vəfat edib.
Yeniavaz.com Toplum TV-yə istinadən xəbər verir ki, S.Səlimovun ailə üzvlərinin sözlərinə görə, bu gün Səbuhi Səlimovun yeddi mərasimini keçirməyə polis maneə yaradıb.
Bildirilib ki, polislər mərasimin keçirildiyi evi hər iki tərəfdən blokadaya alıb və jurnalistin ərazidə çəkiliş aparmasına mane olaraq, tədbir keçirildiyini bildiriblər.
Daxili İşlər Nazirliyinin sözçüsü Elşad Hacıyev isə əraziyə girişin hansı səbəbdən qapadıldığına açıqlama verməkdən imtina edib.
Qeyd edək ki, Səbuhi Səlimov 2021-ci ilin oktyabrında Dövlət Təhlükəsizlik Xidmətinin əməkdaşları tərəfindən saxlanılıb. O dövlətə xəyanətdə ittiham olunub. Səlimov İranın xüsusi xidmət orqanı olan “SEPAH”la əməkdaşlıqda təqsirləndirilib. Özü nə ibtidai istintaq, nə də məhkəmədə ittihamı qəbul etməyib. 2022-ci ilin noyabrında Bakı Ağır Cinayətlər Məhkəməsinin eyni ittihamla 17 il azadlıqdan məhrum edilib.
Səbuhi Səlimovun yas mərasimindən görüntüləri təqdim edirik:
Tətbiqimizi yükləyə bilərsiniz
