Polisin xidməti maşınındakı qeyri-etik hərəkətlərlə bağlı DİN-dən açıqlama: “Montajdır!” - Video

Polisin xidməti maşınında qeyri-etik hərəkətlər edilməsini əks etdirən görüntülərlə bağlı Daxili İşlər Nazirliyi açıqlama verib.

DİN-in Mətbuat Xidmətinin Şəki regional qrupundan Yeniavaz.com-a bildirilib ki, sosial şəbəkələrdə yayılan həmin görüntülər Şamaxı Astrofizika Rəsədxanasında keçirilən yay festivalında qeydə alınıb.
"Dünən, yəni festivalın sonuncu günündə iştirakçılar çantaları ağır olduğu üçün ərazidə ictimai asayişi qoruyan polis əməkdaşlarından köməklik istəyiblər və bu səbəbdən xidməti avtomobilə əyləşiblər. Videoda qeydə alınan səslər isə montajdır, sonradan əlavə olunub. Sosial şəbəkə seqmentlərində həmin görüntülərin reallıqdan kənar başlıqlarla yayılması ictimai fikri çaşdırmaq məqsədi daşıyır", - deyə bildirilib.