Dinozavr skeletləri son vaxtlar idman klubları və ya Faberje yumurtaları kimi dünyanın ən varlı insanları arasında yeni bir dəbə çevrilib.
Yeniavaz.com xəbər verir ki, bu barədə “Bloomberg” agentliyi məlumat yayıb.
Agentlik qeyd edir ki, bəzi varlı alıcılar bu cür ticarətlərin müasir cazibədarlıqla ibtidai cazibədarlığı birləşdirdiyinə inanırlar. Onlar həmçinin, bununla ənənəvi incəsənət bazarının varlı insanlar üçün daha mürəkkəb və daha iddialı görünə biləcəyini qeyd edirlər. Belə ki, Samson ləqəbli tirannozavr skeleti üçün 600 000 dollar ödəyən milyarder Den O'Daud bu dinozavrı onun üçün sahib ola biləcəyi ən təsirli mükafat adlandırıb.
Agentliyə görə, dinozavr qalıqlarının dəyəri rəsm və ya heykəl kimi, onun mənşəyindən, orijinallığından, nadirliyindən, həmçinin, qalıqlarının bütövlüyündən asılıdır.
Agentlik hesab edir ki, “dinozavr bazarı” son illər daha çox canlanıb. Ən son və ən böyük satış isə iyulun 14-də Nyu-Yorkda baş tutub. Bu zaman Qus ləqəbli tirannozavr skeleti “Sotheby's” hərrac evində 50,13 milyon dollara satılıb ki, bu da bu cür lotlar üçün rekord göstəricidir. Qusun qiyməti satışdan əvvəlki 20-30 milyon dollarlıq proqnozları bir neçə dəfə üstələyib. Əvvəlki rekord isə maliyyəçi Ken Qriffin 2022-ci ildə “Sotheby's” hərrac evində 44,6 milyon dollara aldığı Apeks ləqəbli steqozavr skeletinə aid olub.
Qusun satılan qalıqları indiyə qədər kəşf edilmiş ən böyük və ən bütöv qalıqlardan biri hesab olunur. Onlar 2021-2023-cü illər arasında Cənubi Dakotadakı bir rançoda aşkar edilib.
Tətbiqimizi yükləyə bilərsiniz
