Minifutbol üzrə Azərbaycan millisi Slovakiyada keçirilən Avropa çempionatının qalibi olub.
Yeniavaz.com xəbər verir ki, “Tipos Arena”da keçirilən görüşdə Elşad Quliyevin komandası Ukrayna millisini məğlub edib (2:0).
Oyunda Mirmehdi Rzayev və İsa Atayev fərqlənib.
Xatırladaq ki, bununla da, minifutbol üzrə Azərbaycan millisi ikiqat Avropa çempionu olub. Komanda daha əvvəl 2022-ci ildə titula sahib çıxıb.
Qeyd edək ki, Azərbaycan həm Avropa, həm dünya, həm də yenidən Avropa titulunu ardıcıl qazanan ilk milli komanda kimi tarixə düşüb.
Tətbiqimizi yükləyə bilərsiniz
