Xəbər verdiyimiz kimi, ötən gün Türkiyənin Balıkəsir vilayətində 6,1 bal gücündə zəlzələ meydana gəlib.
Yeniavaz.com TRT-yə istinadla xəbər verir ki, daxili işlər naziri Ali Yerlikaya zəlzələ nəticəsində 1 nəfərin dünyasını dəyişdiyini açıqlayıb.
“Zəlzələ nəticəsində bir ədəd yaşayış binası dağılıb. Məlum olub ki, iki nəfər zəlzələ zamanı binadan çıxa bilib. Daha dörd vətəndaşımız xilas edilib. 81 yaşlı ahıl isə xilas edildikdən sonra dünyasını dəyişib”, - Yerlikaya bildirib.
O, həmçinin qeyd edib ki, ümumilikdə, zəlzələ nəticəsində 29 nəfər yaralanıb və onlardan heç birinin vəziyyəti ağır deyil.
Tətbiqimizi yükləyə bilərsiniz
