Xəbər verdiyimiz kimi, 13-də Saatlı rayonunun Nabatkənd və Orta Muğan kəndlərinin sakinləri onların torpaq sahəslərinə su verilməməsinə etiraz olaraq Bakı istiqamətində avtomagistralı bağlayıblar. Polis güc tətbiq edərək aksiyanı dağıdıb. Bu zaman, üç nəfər yaralanıb ki, onlardan biri 15 yaşlı yeniyetmədir.
Məsələ ilə bağlı DİN Mətbuat Xidmətinin Şirvan Regional qrupunun baş inspektoru Nizam Həmidov Yeniavaz.com-a bildirib ki, qeyd olunan hadisə zamanı bir qrup şəxs polisin qanuni tələbinə əməl etməyərək ictimai asayişin pozulmasına yönəlik qanunsuz hərəkətlərini davam etdirib:
“Bundan sonra polis əvvəlcədən xəbərdarlıq etməklə xüsusi vasitələr tətbiq edərək onların cəhdinin qarşısını almışdır. Bu zaman polisə müqavimət göstərənlərin arasında olan 15 yaşlı gənc xəsarət alıb. Onun xəsarət almasında məsuliyyəti məhz onu qanunsuz aksiyaya cəlb edən şəxs daşıyır.
Odurki araşdırma zamanı gənci qanunsuz aksiyaya cəlb edən şəxs barəsində də qanunamüvafiq tədbir görüləcəkdir”.
Tətbiqimizi yükləyə bilərsiniz
