Krım körpüsündə avtomobillərin hərəkəti bərpa olundu - Yenilənib

Krım körpüsündə avtomobillərin hərəkəti bərpa olunub.

Yeniavaz.com Rusiya mətbuatına istinadla xəbər verir ki, bu barədə Krımın rəhbəri Sergey Aksyonov bildirib. Onun sözlərinə görə, nəqliyyat vasitələri yoxlama məntəqələrində yoxlanıldıqdan sonra buraxılıb.

***14;03

Rusiya Xarici İşlər Nazirliyi oktyabrın 8-də Krım körpüsündə törədilən partlayışın terror xarakterli olduğunu açıqlayıb.
Yeniavaz.com TASS-a istinadən xəbər verir ki, bu barədə qurumun sözçüsü Mariya Zaxarova bildirib.
O, Ukrayna rəhbərliyinin hadisəyə münasibətini qınayıb:
“Bu, partlayışın terror xarakterli olmasına dəlalət edir”.
Qeyd edək ki, bu gün səhər saatlarında Krım körpüsündə yanacaq çəni yanıb. Nəticədə körpüdə yanğın başlayıb, partlayış olub. Körpüdə nəqliyyatın hərəkəti dayandırılıb. Rusiyanın Baş naziri Mixail Mişustin hadisəni araşdırmaq üçün hökumət komissiyasının yaradılması barədə fərman imzalayıb. Ukrayna Prezident Ofisinin rəhbərinin müşaviri Mixaylo Podolyak körpüdəki partlayışın hələ başlanğıc olduğunu söyləyib. Xatırladaq ki, Krım körpüsü Rusiyanın ən uzun körpüsüdür, uzunluğu 19 kilometrdir. Körpü Rusiya ilə Ukraynanın işğal altındakı Krım yarımadasını birləşdirir. Avtomobil hissəsi 2018-ci ilin may ayında istismara verilib. 2019-cu ilin dekabrında isə onun dəmir yolu hissəsi ilə ilk qatarlar hərəkət etməyə başlayıb.