Azərbaycanın keçmiş xarici işlər naziri Tofiq Zülfüqarov ABŞ Konqresinin Nümayəndələr Palatasının spikeri Nensi Pelosinin Azərbaycana səfəri ilə bağlı xatirələrindən yazıb.
Yeniavaz.com xəbər verir ki, o, bu barədə sosial şəbəkə hesabında paylaşım edib.
“1998-ci ilin yayında ABŞ konqresmenləri Ermənistan və Azərbaycana səfər etdilər. F. Pallone də daxil olmaqla, demək olar ki, bütün ermənipərəst lobbiçilər daxil idi. Onlar Ermənistana səfər etdikdən sonra ABŞ səfirliyindən mənə bildirdilər ki, konqresmenlər qaçqınlarla görüşməkdən imtina ediblər.
Prezident Heydər Əliyevlə görüşdə qərara alındı ki, mən və Qaçqınların və Məcburi Köçkünlərin İşləri üzrə Dövlət Komitəsinin sədri Ə. Həsənov onları təyyarənin enişində qarşılayaq və onlara qaçqınlar üçün çadır düşərgəsinə aparacaq helikopterə minməyi qətiyyətlə təklif edək. İmtina edənləri isə biz jurnalistlərin “öhdəsinə” buraxmalı idik. Pelosi və daha bir neçə nəfər uçdu, lakin F. Pallone və arvadı qətiyyətlə imtina etdilər. Sonra bütün mətbuat bu barədə həm burada, həm də xaricdə yazdı. Pelosi bədbəxt qaçqınların yaşayış şəraitini görəndə hətta göz yaşlarına qərq oldu. Həqiqət isə budur ki, o, erməni seçicilərin səslərinə görə ermənipərəst lobbiçilərin əsas fiqurlarından biri olmaqda davam edir.
Düşünürəm ki, Tayvana gəldikdən dərhal sonra o, Koreyada çıxış edərək “strateji qeyri-müəyyənlik” siyasətindən uzaqlaşma kimi qiymətləndirilən bəyanatla çıxış edən Baydenin səhvini düzəldəcək. Buna görə də hesab edirəm ki, Pelosinin əsas məqsədi məhz Taypeydə ABŞ və Çin arasında gərginliyin bu səbəbini aradan qaldırmaqdır”, - paylaşımda bildirilib.
Qeyd edək ki, ötən gün N. Pelosinin Tayvana səfər etməsi dünya gündəmini zəbt edib.
Tətbiqimizi yükləyə bilərsiniz
