Daxili İşlər Nazirliyi (DİN) əməkdar artist Bəhram Bağırzadənin “üzr videosu”na münasibət bildirib.
Bu barədə Nazirliyinin Mətbuat Xidmətinin KİV və İctimaiyyətlə əlaqələr şöbəsinə rəisi Elşad Hacıyev Yeniavaz.com-a açıqlama verib.
“Əməkdar artist Bəhram Bağırzadə teatral sənət adamıdır, sənətkardır. Hansısa mövzuya onun yanaşması sənətlə əlaqəlidir. Mövzunun mahiyyətində olan sarkazm üzrxahlıq edən adamın vəziyyətini əks etdirir. Anlaşılandır, neqativ hallara meylli şəxslərin profilaktikasında çəkindirici xarakter daşıyır” -, deyə polis mayoru Elşad Hacıyev bildirib.
Qeyd edək ki, ötən gün B. Bağırzadə ironik “üzr videosu” paylaşmışdı.