Tanınmış reper Pərviz İsaqovun (Promete) küləyin təsirindən anasının üzərinə ağac düşməsi və ayağının amputasiya edilməsi faktı araşdırılır.
Baş Prokurorluğun mətbuat xidmətindən Yeniavaz.com-un sorğusuna cavab olaraq bildirilib ki, vətəndaş Pərviz İsaqovun anası Pərvanə İsaqovanın 10.11.2021-ci il tarixdə Yasamal rayonu, Mirəli Seyidov küçəsi 60 ünvanın yaxınlığında olarkən ağacın küləkliyin təsirindən qırılaraq üzərinə düşməsi və sonuncunun aldığı xəsarətlər nəticəsində sol ayağının amputasiya edilməsi barədə müraciət əsasında Yasamal rayon Prokurorluğunda araşdırma aparılır.
Xatırladaq ki, ötən gün sözügedən məsələ ilə bağlı tanınmış reper sosial şəbəkələr vasitəsilə müraciət yayımlamışdı.
Tətbiqimizi yükləyə bilərsiniz
