Venesuelanın müxalifət lideri Xuan Quaido ilk “prezident” fərmanını imzalayıb.
Quaido sənədin elektron surətini öz “Twitter” səhifəsində paylaşıb.
Beynəlxalq humanitar yardımın Venesuelaya girişinə icazə verən fərman fevralın 21-də imzalanıb.
“Bolivarian silahlı qüvvələrinin ali baş komandanı olaraq, növbəti dəfə Venesuelaya humanitar yardımın girişinə icazə verdiyimi təsdiq edirəm və bunun yerinə yetirilməsi üçün müvafiq addımların atılmasını əmr edirəm”, - deyə siyasətçi sosial şəbəkədə yazıb.
Quaido “qardaş Braziliya” ilə sərhədin açılmasına və Niderland Krallığı, həmçinin, Aruba, Kürasao və Bonayre adalarının hökumətləri ilə diplomatik münasibətlərin qorunub-saxlanılmasına göstəriş verib.
#21Feb Decreto presidencial para autorizar el ingreso de la ayuda humanitaria, apertura de toda nuestra frontera, mantenimiento de relaciones con Aruba, Curazao y Bonaire, además de garantías y reconocimiento para miembros de la #FANB que cumplan este mandado y la constitución. pic.twitter.com/OTHZN8iEhW
— Juan Guaidó (@jguaido) 22 Şubat 2019
(oxu.az)