2019-cu il fevral ayının 1-i vəziyyətinə məşğulluq xidməti orqanları tərəfindən ölkə üzrə rəsmi işsiz statusu verilən şəxslərin sayı 19 min 922 nəfər olub, onların 37,3 faizini qadınlar təşkil edib.
Yeniavaz.com Dövlət Statistika Komitəsindən açıqlanan məlumatlara istinadən bildirir ki, rəsmi işsiz statusu verilən şəxslərin sayı son bir il ərzində 47,5% və ya 18 min 46 nəfər azalıb.
İşsizlik müavinətinin orta məbləği 216,7 manat olub və 2018-ci ilin eyni dövrü ilə müqayisədə 34,6% və ya 114,6 manat azalma olub. İşsizlik müavinəti alanların sayı isə son bir il ərzində 5,8 dəfə və ya 5 min 436 nəfər artıb.
Qeyd edək ki, işsiz statusuna malik insanların təxminən yarısı - 9 min 273 nəfəri Bakı şəhərinin payına düşüb və son bir il ərzində 9 min 583 nəfər azalıb.
Bakı şəhərindən sonra ən çox işsiz Sumqayıt şəhəri, Bərdə, Abşeron, Hacıqabul və Ağdam rayonunda qeydə alınıb. Sumqayıtda işsiz statusuna malik şəxslərin sayı 1114, Bərdədə 546, Hacıqabulda 632, Abşeronda 529, Ağdamda isə 690 nəfər olub.
İşsiz statusuna malik insanların ən az olduğu rayonlar arasında isə ilk yerlərdə Daşkəsən, Füzuli, Xocalı, Saatlı, Şuşa və Qobustann rayonları dayanır. Açıqlanan rəsmi məlumata görə, Daşkəsəndə 3, Füzulidə 16, Xocalıda 15, Saatlıda 22, Şuşada 22, Qobustanda isə qeydiyyatdan keçən 23 işsiz insan var.
Azərbaycanda işsiz statusuna malik insanların yaşamadığı rayonlar arasında isə Naxçıvan Muxtar Respublikasına daxil olan rayonlar yer alır. Muxtar Respublikaya daxil olan Naxçıvan şəhəri, Şərur, Babək, Ordubad, Culfa, Kəngərli, Şahbuz və Sədərək rayonlarında bir nəfər də olsun işsiz statusuna malik insan yoxdur.
Üç rayonda isə işsizlərə bir manat da olsun müavinət verilməyib. Bunlar Zərdab (35 işsiz), Cəlilabad (92 işsiz) və Gədəbəy (115 işsiz) rayonları olub.
Rayonlar üzrə işsiz statusu və müavinət alanların sayı: (1 fevral 2019-cu il vəziyyətinə)
Şəhərlər və rayonlar | İşsiz statusuna malik olanlar, nəfər | onlardan müavinət alanlar, nəfər |
Ölkə üzrə – cəmi | 19 922 | 1 136 |
Bakı şəhəri – cəmi | 9 273 | 601 |
Abşeron iqtisadi rayonu – cəmi | 1 700 | 127 |
o cümlədən: | ||
Xızı rayonu | 57 | 7 |
Abşeron rayonu | 529 | 48 |
Sumqayıt şəhəri | 1 114 | 72 |
Gəncə-Qazax iqtisadi rayonu – cəmi | 1 332 | 50 |
o cümlədən: | ||
Gəncə şəhəri | 427 | 20 |
Qazax rayonu | 91 | 3 |
Ağstafa rayonu | 75 | 2 |
Tovuz rayonu | 121 | 2 |
Şəmkir rayonu | 303 | 12 |
Gədəbəy rayonu | 115 | - |
Daşkəsən rayonu | 3 | 1 |
Samux rayonu | 23 | 1 |
Göygöl rayonu | 53 | 2 |
Goranboy rayonu | 82 | 5 |
Naftalan şəhəri | 39 | 2 |
Şəki-Zaqatala iqtisadi rayonu – cəmi | 734 | 26 |
o cümlədən: | ||
Balakən rayonu | 124 | 2 |
Zaqatala rayonu | 176 | 3 |
Qax rayonu | 57 | 8 |
Şəki şəhəri | 232 | 5 |
Oğuz rayonu | 33 | 3 |
Qəbələ rayonu | 112 | 5 |
Lənkəran iqtisadi rayonu – cəmi | 888 | 58 |
o cümlədən: | ||
Astara rayonu | 85 | 1 |
Lənkəran şəhəri | 436 | 30 |
Lerik rayonu | 32 | 2 |
Yardımlı rayonu | 32 | 5 |
Masallı rayonu | 211 | 20 |
Cəlilabad rayonu | 92 | - |
Quba-Xaçmaz iqtisadi rayonu – cəmi | 908 | 25 |
o cümlədən: | ||
Qusar rayonu | 91 | 4 |
Xaçmaz rayonu | 138 | 10 |
Quba rayonu | 358 | 4 |
Şabran rayonu | 179 | 4 |
Siyəzən rayonu | 142 | 3 |
Aran iqtisadi rayonu – cəmi | 3 126 | 125 |
o cümlədən: | ||
Göyçay rayonu | 179 | 11 |
Beyləqan rayonu | 146 | 4 |
Ağcabədi rayonu | 245 | 5 |
Bərdə rayonu | 546 | 2 |
Neftçala rayonu | 161 | 4 |
Biləsuvar rayonu | 123 | 1 |
Salyan rayonu | 93 | 3 |
Yevlax şəhəri | 83 | 5 |
Mingəçevir şəhəri | 329 | 18 |
Ağdaş rayonu | 52 | 8 |
Ucar rayonu | 42 | 3 |
Zərdab rayonu | 35 | - |
Kürdəmir rayonu | 87 | 1 |
İmişli rayonu | 106 | 8 |
Saatlı rayonu | 22 | 3 |
Sabirabad rayonu | 48 | 6 |
Hacıqabul rayonu | 632 | 17 |
Şirvan şəhəri | 197 | 26 |
Yuxarı Qarabağ iqtisadi rayonu – cəmi | 1 155 | 22 |
o cümlədən: | ||
Cəbrayıl rayonu | 326 | 10 |
Füzuli rayonu | 16 | 3 |
Ağdam rayonu | 690 | 2 |
Tərtər rayonu | 56 | 3 |
Xocalı rayonu | 15 | 1 |
Şuşa rayonu | 22 | 2 |
Xocavənd rayonu | 30 | 1 |
Xankəndi şəhəri | - | - |
Kəlbəcər-Laçın iqtisadi rayonu – cəmi | 499 | 79 |
o cümlədən: | ||
Kəlbəcər rayonu | 158 | 3 |
Laçın rayonu | 110 | 18 |
Qubadlı rayonu | 183 | 48 |
Zəngilan rayonu | 48 | 10 |
Dağlıq Şirvan iqtisadi rayonu – cəmi | 307 | 23 |
o cümlədən: | ||
Qobustan rayonu | 23 | 4 |
İsmayıllı rayonu | 73 | 8 |
Ağsu rayonu | 67 | 3 |
Şamaxı rayonu | 144 | 8 |
Naxçıvan Muxtar Respublikası – cəmi | - | - |