Qanunsuz ov edən saxlanılıb.
Bu barədə Yeniavaz.com-a Daxili İşlər Nazirliyinin mətbuat xidmətindən məlumat verilib. Verilən məlumata görə, əməliyyat fevralın 8-də Nəqliyyatda Baş Polis İdarəsinin əməkdaşları tərəfindən keçirilib. Keçirilən əməliyyat nəticəsində qanunsuz ov etdiyi üçün Saatlı rayon sakini Ş.Əsgərov saxlanılıb.
Ondan 1 ədəd nömrəsi silinmiş “İJ-16” markalı tüfəng və ovladığı “Qırmızı kitab”a düşmüş 2 ədəd “Bəzgək” quşu aşkar edilərək götürülüb.
Faktla bağlı araşdırma aparılır.