UEFA növbəti 4 il üçün prezident seçkilərinə hazırlaşır. Yeniavaz.com goal.az-a istinadən xəbər verir ki, bu posta yeganə namizəd qurumun indiki rəhbəri Aleksander Çeferindir. Noyabrın 7-də ərizələrin təqdimatı başa çatıb. Lakin indiki prezidentdən başqa heç kim namizədliyini irəli sürməyib. Növbəti prezident seçkisi fevralın 7-də Romada olacaq.
Qeyd edək ki, Aleksander Çeferin 2016-cı ildə seçilib. UEFA-nın yeddinci prezidenti 55 mümkün səsdən 42 -ni toplayıb. UEFA-nın əvvəlki rəhbəri Mişel Platini iki il bundan əvvəl istefa verib. Fransalı 2011-ci ildə 1,6 milyon avro rüşvət almaqda günahlandırılırdı.
Tətbiqimizi yükləyə bilərsiniz
