Xəbər verdiyimiz kimi, İngiltərənin “Lester Siti” klubunun prezidenti Viçay Srivadhanaprabhanın helikopter qəzasında öldüyü təsdiqlənib. 27 oktyabrda baş vermiş qəzada beş nəfər dünyasını dəyişib.
Futbolda bu ilk belə qəza deyil...
4 may 1949. Dörd dəfə İtaliya çempionu olmuş “Torino” komandasını aparan təyyarə qəzaya uğrayıb. Qəzada 22 nəfər dünyasını dəyişdi. Bunlardan 18-i komandanın futbolçuları idi. Bundan sonra “Yuventus”un əzəli rəqibi özünə gələ bilməyərək İtaliyada ciddi uğurlara imza ata bilmədi.
6 fevral 1958. “Mançester Yunayted”in təyyarəsi Çempionlar Kuboku matçı üçün getdiyi Münhen şəhərində qəzaya düşüb. Həmin qəzada səkkiz futbolçu dünyasını dəyişib. Ölən futbolçuların yaş ortalaması gənclər olduğu üçün onlar şotlandiyalı baş məşqçi “Met Basbinin körpələri” adlandırıldılar.
16 iyul 1960. Olimpiada üçün Danimarka millisinin səkkiz futbolçusunu aparan təyyarə qəzaya düşüb. Hadisə Danimarka və İsveç arasındakı ərazidə baş verib. Hadisə nəticəsində bütün futbolçular və komandanın digər üç üzvü ölüb. Yalnız nəzarəti itirən pilot sağ qaldı. Danimarka isə Olimpiadada gümüş medal qazandı.
3 aprel 1961. Çili I dəstə komandalarından “Qrin Kros”u aparan təyyarə Las Lastimas dağlarına çarpılıb. Nəticədə səkkiz futbolçu və məşqçilərdən iki nəfər olmaqla on nəfər dünyasını dəyişib.
26 sentyabr 1969. “Stronqest” adlı Boliviya komandasını daşıyan təyyarə qəza etdi. Qəzada 16 oyunçu, klub rəhbərliyindən iki nəfər və baş məşqçi Eustakio Ortunyo vəfat etdi.
8 dekabr 1987. Perunun I divizion komandası olan “Alyansa”nın paytaxt Limada keçirdiyi qəzada dünyasını itirənlər arasında baş məşqçi Markos Kalderon və 16 futbolçu olub.
28 iyun 1993. Zambiya millisi Qabonun paytaxtı Librevildə qəzaya uğrayıb. 18 futbolçu və klub rəhbərliyindən 5 nəfər qəzadan sağ çıxmayıb.
28 noyabr 2016. Bu qəza hələ ki XXI əsrin ən acı təyyarə qəzası hesab edilir. Braziliyanın “Şapekoense” klubu Boliviyadan Kolumbiyanın “Atletiko Nasional” komandası ilə Sudamerikana Kubokunun finalına gedir. Lakin Kolumbiyanın Medelyin şəhəri yaxınlığında qəza baş verir. Qəza zamanı təyyarədə 72 sərnişin (21 jurnalist, qalanları isə futbol komandasının üzvləri) və 9 ekipaj üzvündən ibarət 81 nəfər insan vardı.
Ölənlər arasında 2014-cü ildə “Xəzər Lənkəran”da çıxış etmiş mərkəz müdafiəçisi Vilian Tieqo da vardı. Qəzadan yalnız altı nəfər xilas ola bildi. Danilo qəza nəticəsində sağ tapılsa da, o sonradan xəstəxanada dünyasını dəyişdi. Sağ qalanlardan ikisi hazırda da bu komandada çıxış edir.(Oxu.az)
Tətbiqimizi yükləyə bilərsiniz
