Bərdədə ağır yol qəzası nəticəsində 4 nəfər həyatını itirib FOTOLAR

Bərdə rayonunda 4 nəfərin ölümü ilə nəticələnən ağır yol qəzası baş verib.

Yeniavaz.com "Report"a istinadən xəbər verir ki, hadisə Yevlax-Bəhrəmtəpə avtomobil yolunun Bərdə rayonunun Mehdili kəndi ərazisində olub.

"Shacman" markalı yük avtomobili ilə "VAZ-21011" maraqlı minik avtomobili toqquşub. Qəza nəticəsində "Jiquli"nin Goranboy rayon sakinləri olduğu ehtimal edilən sürücüsü, həmçinin maşında olan iki qadın və bir uşaq həyatını itirib. Hazırda onların şəxsiyyətləri dəqiqləşdirilir.
"Shagman"ı Nuriyev Raqif Səxavət oğlu idarə edib.

Faktla bağlı Bərdə rayon Polis şöbəsində araşdırma aparılır.