Bu ilin yanvar-iyul aylarında Bakı şəhəri üzrə işçilərin sayı əvvəlki ilin müvafiq dövrünə nisbətən 12 444 nəfər artaraq 706 min 577 nəfər olub. Yeniavaz.com Bakı Şəhər Statistika İdarəsindən açıqlanan məlumatlara istinadən bildirir ki, bu ilin yanvar-iyul aylarında işçilərin orta aylıq nominal əmək haqqı 789 manat 90 qəpik olub. Əvvəlki ayla müqayisədə orta aylıq nominal əmək haqqı 70 qəpik azalıb.
Ən yüksək əmək haqqı Səbail rayonunda qeydə alınıb. Bu rayonda çalışan 112 367 nəfər muzdlu işçinin orta aylıq əmək haqqı 1447 manat 70 qəpik təşkil edib. Ən az əmək haqqı isə Binəqədi rayonunda verilib. Bu rayonda 45 094 min işçinin işlədiyi və onlara ayda orta hesabla 448 manat 60 qəpik əmək haqqı verildiyi bildirilir.
Paytaxtın digər rayonlarında işçilərin sayı və orta aylıq əmək haqqı bu cür olub:
Rayonlar |
Muzdlu
|
Orta aylıq
|
Binəqədi | 45 094 | 448,6 |
Xətai | 62 855 | 774,1 |
Xəzər | 30 248 | 733,3 |
Qaradağ | 25 548 | 1 039,9 |
Nərimanov | 67 064 | 516,4 |
Nəsimi | 159 853 | 653,0 |
Nizami | 43 403 | 652,1 |
Pirallahı | 8 171 | 1 458,3 |
Sabunçu | 27 222 | 498,2 |
Səbail | 112 367 | 1 447,7 |
Suraxanı | 19 310 | 570,3 |
Yasamal | 105 442 | 692,4 |