15 iyul qazisi Nəcməddin Utus dövlət çevrilişinə cəhddə şübhəli bilinən və hazırda həbsdə olan general-mayor Mehmet Dişlinin böyük qardaşı Şaban Dişlinin Türkiyənin Haaqada səfiri təyin edilməsini etiraz edib.
Yeniavaz.com Türkiyə mətbuatına istinadən xəbər verir ki, N. Utus məsələ ilə bağlı sosial şəbəkədə açıqlama verib.
O bildirib: “Məni və qaziləri gülləbaran edən bir xain generalın qardaşını Hollandiyaya səfir təyin edilərkən ağlıma Kılıçdaroğlunun sözü gəldi: idarəli çevriliş. Deməli bizdən istifadə edərək tarixin zibiliyyinə atdınız. Sizləri əvvəlcə Allaha sonra da millətə həvalə edirəm. CHP-yə PKK və Güləni müdafiə edirsiniz dediniz. Biz də dəstəklədik. Düz deyirsiniz dedik, amma səhv etdik. CHP PKK-nı müdafiə edəndə siz də çevrilişçiləri qorudunuz, xalqa və bizlərə isə CHP müdafiə edir deməklə inandırdınız. Ancaq Şaban Dişlini, çevriliş edənləri mükafatlandırdınız. Millət də sizi ən yaxın seçkilərdə mükafatlandıracaq”.
Tətbiqimizi yükləyə bilərsiniz
