Bu gün “Azərenerji” ASC-nin yeni prezidenti Balababa Rzayev kollektivə təqdim olunub. Yeniavaz.com qafqazinfo-ya istinadən xəbər verir ki, bir qədər əvvəl təqdimat başa çatıb.
Qeyd edək ki, dünən ölkə prezidenti İlham Əliyevin sərəncamı ilə Etibar Pirverdiyev vəzifəsindən azad olunub, Balababa Rzayev isə “Azərenerji” ASC-nin yeni sədri təyin edilib.
Xatırladaq ki, B. Rzayev 2006-2015-ci illərdə "Bakıelektrikşəbəkə" ASC-nin İdarə Heyətinin Sədri vəzifəsində işləyib. 2015-ci ildə isə "Azərişıq" ASC-nin Sədri vəzifəsinə təyin olunub.
O, Azərbaycanda elektroenergetika sahəsinin inkişafında xidmətlərinə görə “Əməkdar mühəndis” fəxri adı ilə təltif edilib. Daha sonra ölkə başçısının sərəncamı ilə 3-cü dərəcəli "Vətənə xidmətə görə” ordeninə layiq görülüb.
Tətbiqimizi yükləyə bilərsiniz
