Ötən il Türkiyə vətəndaşı olan 3 min 782 nəfər qadın xarici ölkə vətəndaşı olan kişilərlə nigah bağlayıb. Yeniavaz.com Türkiyə Statistika İdarəsinə istinadən bildirir ki, Türkiyəli qadınlarla ailə quran xarici ölkə vətəndaşı olan kişilərin 3%-i və ya 115 nəfəri Azərbaycan vətəndaşı olub. Azərbaycanlı kişilər Türkiyəli qadınlarla ailə quran əcnəbi kişilər arasında 5-ci sırada yer alıblar. Türkiyəli qadınlarla ən çox Almaniya vətəndaşı olan kişilər ailə qurub. 2-ci sırada Suriya vətəndaşı olan kişilər yer alır. Növbəti yerlərdə Avstriya, İngiltərə və Hollandiya vətəndaşı olan kişilər qərarlaşıb.
Türkiyə vətəndaşı olan qadınlarla nigah bağlayan kişilər bu ölkələrin vətəndaşları olub (ilk 20 ölkə):
1. Almaniya - 1 338 nəfər
2. Suriya - 377 nəfər
3. Avstriya - 291 nəfər
4. İngiltərə - 131 nəfər
5. Azərbaycan - 115 nəfər
6. Hollandiya - 111 nəfər
7. ABŞ - 97 nəfər
8. Əfqanıstan - 93 nəfər
9. İran - 92 nəfər
10. İraq - 79 nəfər
11. Şimali Kipr - 79 nəfər
12. Fransa - 77 nəfər
13. Bolqarıstan - 74 nəfər
14. İtaliya - 70 nəfər
15. Misir - 55 nəfər
16. Yunanıstan - 48 nəfər
17. İspaniya - 34 nəfər
18. Danimarka - 29 nəfər
19. Avstraliya - 27 nəfər
20. İsveçrə - 27 nəfər
Türkiyə vətəndaşı olan kişilərlə nigah bağlayan əcnəbi qadınların sayı barədə statistik məlumtlarla isə bu linkdən tanış ola bilərsiniz: https://www.yeniavaz.com/NewsContent/ZNewsContent/74778