Eşşəklərlə bağlı son məlumat: Daha 3 min eşşək yoxa çıxıb

Xəbər verdiyimiz kimi, Dövlət Statistika Komitəsi ötən il Azərbaycanda mövcud olan inək, çamış, qoyun, keçi və donuzların sayı ilə bağlı məlumatları bu ilin fevral ayında açıqlasa da atlar və eşşəklərin sayı ilə bağlı məlumatları açıqlmamamışdı. Ötən ay Yeniavaz.com atlar və eşşəklərin sayının hansı səbəbdən açıqlanmadığı ilə bağlı Statistika Komitəsinə sual ünvanlamışdı. Komitənin verdiyi cavabda bildirilirdi ki, atlar və eşşəklərin sayı ilə bağlı məlumatların yer alacağı bülleten hazırlanma mərhələsindədir.

Qeyd edək ki, Komitə ilin başa çatmasından təxminən 100 gün sonra həmin məlumatları açıqlayıb.

Yeniavaz.com-un Dövlət Statistika Komitəsindən açıqlanan məlumatlara istinadən apardığı hesablama göstərir ki, ötən il ərzində Azərbaycanda eşşəklərin sayı 3 min 214 ədəd azalıb. Bu ilin əvvəlinə olan məlumata görə ölkədə 30 min 854 eşşək mövcuddur. Nəticədə Azərbaycanda eşşəklərin sayında qeydə alınan kəskin azalma tempi ötən il ərzində də davam edib. Məlumat üçün bildirək ki, Son 10 il ərzində - 2007-17-ci illərdə Azərbaycanda eşşəklərin sayında 34,6% və ya 16 min 355 ədəd azalma olub. Təkcə ötən il ərzində 9,4% azalma olub.

Onu da bildirək ki, bəzi rayonlar istisna olmaqla əksər rayonlarda eşşəklərin sayında azalma baş verib.

Ən kəskin azalma Yardımlı rayonunda qeydə alınıb. Son 1 ildə Yardımlı rayonunda eşşəklərin sayı 803 baş azalaraq 2290 başa düşüb.

Ən çox artım isə Naxçıvan Muxtar Respublikasına aid olan rayonlarda qeydə alınıb. Muxtar Respublikaya daxil olan bütün rayonlarda eşşəklərin sayı artıb.

2016-cı ildə yalnız Mingəçevir və Gəncə şəhərlərində eşşəklər mövcud olmadığı halda, ötən il eşşəksiz rayon və şəhərlərin sırasına Sumqayıt şəhəri ilə Biləsuvar və Kəlbəcər rayonları da daxil olub.

Paytaxt Bakıda isə eşşəklərin sayı artıb. Bekə ki, 2016-cı ildə 19 eşşək olduğu halda, bu ilin əvvəlində onların sayı 34-ə yüksəlib.

Ötən ilin əvvəlində ən çox eşşəyin olduğu rayon Yardımlı olsa da, yuxarıda qeyd etdiyimiz azalamadan sonra ən çox eşşəyin olduğu rayon Tovuz rayonu olub - 2541 baş.

Ən az eşşəyin olduğu rayon isə Zəngilan rayonu olub - 1 baş.

Azərbaycanın şəhər və rayonlarında eşşəklərin sayı: