Bu ilin mart ayının əvvəlinə olan məlumata görə Azərbaycanda kreditlər üzrə orta faiz dərəcəsi 12% olub. Bu göstərici Bakı şəhərində 10,5% təşkil edib. Yeniavaz.com Mərkəzi Bankın (MB) açıqladığı sonuncu statistik göstəricilərə istinadən bildirir ki, ötən ilin mart ayının əvvəlində kreditlər üzrə orta faiz dərəcəsi ölkə üzrə 10,7%, Bakı şəhəri üzrə 9,2% olub. Rəqəmlərdən də göründüyü kimi, kreditlər üzrə orta faiz dərəcəsi həm ölkə üzrə, həm də Bakı şəhəri üzrə isə 1,3 fazi bəndi artıb.
Azərbaycanda kreditlər üzrə faiz dərəcələrinin ən yüksək həddi Aran və Lənkəran iqtisadi rayonlarında qeydə alınıb. Bu rayonlarda orta faiz dərəcəsi müvafiq olaraq 22,7% və 22,2% olub. Ən aşağı faiz dərəcəsi isə Bakıda (10,5%), həmçinin Naxçıvan (8,5%) iqtisadi rayonlarında müşahidə olunub.
Banklar tərəfindən verilən kreditlərin 60,6%-i və ya 7 milyard 7,3 milyon manatı milli valyutada, 39,4%-i və ya 4 milyard 553,8 milyon manatı isə xarici valyutada olub. Milli valyuta ilə verilən kreditlərin orta faiz dərəcəsi 13,5%, xarici valyuta ilə verilən kreditlərin orta faiz dərəcəsi isə 9,9% olub. İlin əvvəli ilə müqayisədə həm milli valyuta ilə verilən kreditlərin, həm də xarici valyuta ilə verilən kreditlərin orta faiz dərəcəsi isə 1,1 faiz bəndi artıb.
Onu da qeyd edək ki, kreditlərin 82,6%-i və ya 9 milyard 558,2 milyon manatı Bakı şəhərinin payına düşüb.
Tətbiqimizi yükləyə bilərsiniz
