Bu gün Azərbaycan Premyer Liqasında XXII tura yekun vurulacaq

Bu gün futbol üzrə Azərbaycan Premyer Liqasında XXII tura yekun vurulacaq. Son oyun günündə iki matç baş tutacaq. Əvvəlcə qış fasiləsindən sonra uğursuz qrafik cızan “Zirə” “Qəbələ”ni qəbul edəcək. Hazırda 34 xalla 4-cü sırada qərarlaşan meydan sahibləri bu qarşılaşmaya dönüş nöqtəsi kimi baxırlar. Topladığı 40-la 2-ci yerdə olan qonaqlar isə çempionluq mübarizəsindən qopduqları üçün son matçlarda inamsız təsir bağışlayırlar. Bu kollektivlərin əvvəlki 11 çempionat görüşündən 3-də “Zirə”, 4-də isə “Qəbələ” qələbə qazanıb. Qəsəbə təmsilçisi son 8 oyunda yalnız birində “qırmızı-qaralar”ı məğlub edib.

Turun son oyunu Neftçi” və “Sumqayıt” arasında olacaq. Bu komandaların Avropa Liqasına vəsiqə verən pillələr uğrunda mübarizə aparmaqları öz yerində, Kamran Quliyevin qış fasiləsindən sonra Sumqayıt klubunun prezidenti postunu tərk edərək, “ağ-qaralar”a rəhbərlik etməsi intriqaya səbəb olub. Quliyevin “Neftçi”dəki debütünü 2:0 hesablı qələbə ilə korlayan Samir Abasovun komandası səfərdə də qalib gəlmək niyyətindədir. Lakin “Sumqayıt”dan sonra III dövrənin ən yaxşı komandası olan meydan sahibləri də qələbə əzmindədirlər.

Bu komandaların əvvəlki 23 qarşılaşmasından 12-də “Neftçi”, 9-da isə “Sumqayıt” qələbəni bayram edib. Son 6 dueldə meydan sahibi olan tərəf 3 xal əldə edib.

Hazırda 35 xala malik qonaqlar 3-cü, “ağ-qaralar” isə 30 xalla 5-ci sıradadırlar.

Topaz Premyer Liqası

XXII tur

8 aprel (bazar)

16:30. “Zirə” – “Qəbələ”

Hakimlər: Rəvan Həmzəzadə, Nahid Əliyev, Vaqif Musayev, Ömər Paşayev

AFFA nümayəndəsi: Sakin Məmmədzadə

Hakim-inspektor: Asim Xudiyev

Zirə İdman Kompleksinin stadionu

İlk üç dövrə: 1:1, 2:1, 1:2

18:30. “Neftçi” – “Sumqayıt”

Hakimlər: Əliyar Ağayev, Rza Məmmədov, Namiq Hüseynov, Rəhim Həsənov

AFFA nümayəndəsi: Mübariz Hüseynov

Hakim-inspektor: Məhəmməd Məmmədov

“Bakcell Arena”

İlk üç dövrə: 0:1, 2:1, 0:2

Report