Masallıdakı dəhşətli qəzada ölən gəncin anası intihar etdi

Masallı rayonunda 8 nəfərin ölümü ilə nəticələnən dəhşətli yol-nəqliyyat hadisəsi zamanı övladı ölən qadın intihar edib.
Bu barədə qəza nəticəsində ölənlərin yaxınları məlumat verib.
Belə ki, hadisə zamanı ölən 2002-ci il təvəllüdlü Tağıyev Əlizahir Atalı oğlunun anası intihar edərək həyatına son qoyub. Sözügedən qadının qəzada yaralanan qızı - 1995-ci il təvəllüdlü Tağıyeva Miranə Atalı qızının müalicə aldığı xəstəxanada özünü öldürdüyü bildirilir.
Qeyd edək ki, iyulun 9-da Masallı rayonunda yük maşını ilə “Mercedes Vito” markalı mikroavtobus toqquşub.
Qəzada səkkiz nəfər ölüb. İki nəfər isə ağır xəsarət alıb. (Oxu.az)