Bir neçə aydır efirlərdən uzaq qalan müğənni Rüfət Axundov bu gün "Hər şey daxil" proqramının qonağı olub.
Yeniavaz.com xəbər verir ki, Axşam.az-ın məlumatına görə, sənətçi verilişə uzun illərdir dostluq etdiyi Aynur Dadaşova ilə birlikdə qatılıb.
Rüfət toy məclislərində başına gələn hadisələrdən söz açıb. O bildirib ki, dəfələrlə ona yüksək qonorarla toy təklif ediblər, amma geri çevirib:
"Söz verirəmsə edirəm. Nəyisə satıram, sonra çox pul versələr də geri qaytarmıram. Hətta toyda beh verirlər, həmin günə daha bahalı toy gəlir. Amma mən imtina edirəm".
Rüfət "Şou-biznesdəkilərlə dostluq olmaz" deyənlərə cavab verib:
"Hamıyla dostam. Gərək zər qədrini zərgər bilər. Bir-birimizi tutmalıyıq".
Rüfət anası ilə bağlı maraqlı hadisə danışıb:
"Yalan danışmayacam, bütün dərslərdən 2 almışam. Anam müəlliməm idi. Mənə 4 yazmışdı. Dedim ki, ana hamıya 4 yazırsan, yoxsa, gözləyirsən sənə Nazpəri xanımın şokolad qutusundan gətirsinlər? Ya hamıya 4 yaz, ya da mənə 2 ver. Məktəbdə müəllimələr tərəfindən döyülmüşəm də".
Sənətçinin bacısı Milana xanım efirə zəng edib, onunla bağlı sualları cavablandırıb. Bacısının sözlərinə Rüfət kövrəlib:
"Rüfət həm atam, həm anam, həm də qardaşımdır. Bizim qardaş-bacı münasibətimiz yoxdur. O mənim hər şeyimdir. Hər şeyə görə özünü qurban verir. Məktəbdə də mən nə səhv edirdim, gedib boynuna götürürdü".
Qeyd edək ki, müğənni Rüfət Axundov Space TV-nin “Hər səhər” verilişində həmkarı Rəşad İlyasovla mahnı oxuyarkən qeyri-etik ifadələrdən istifadə etmişdi. Bundan sonra Milli Televiziya və Radio Şurası (MTRŞ) müğənniyə efir qadağasının tətbiq edilməsi ilə bağlı telekanallara şifahi xəbərdarlıq etmişdi.
Tətbiqimizi yükləyə bilərsiniz
