"Nişanlı idi, avqust ayının 8-də toyu olacaqdı".
Bu sözləri Yeniavaz.com-a dünən Qazax rayonunun Xanlıqlar kəndindəki su anbarında boğularaq dünyasını dəyişən İlham Nəbiyevin qohumu Kamran Salahov mərhum haqqında danışarkən deyib.
Onun sözlərinə görə İ. Nəbiyev kanala çimməyə gedərkən ona da təklif edib: "Dünən o dostları ilə su kanalında çimməyə getmişdi. Getməmişdən öncə mənə də təklif etdi getməyi. Mənim də dostumun ad günü məclisi var idi. Ona dedim ki, gəl oturaq bir yerdə çörək yeyək, sonra bərabər gedərik. Mənə dedi ki, "mən gedirəm, axşam tərəfi görüşüb çay içərik". Təxminən yarım saat sonra xəbər gəldi ki, İlham boğulub".
K. Salahov bildirdi ki, İlham nişanlı olub və bu hadisə baş verməsydi avqust ayında onun toyu olacaqdı: "Evin tək uşağı idi. Bir qardaşı olub amma 1 il 6 aylığında dünyasını dəyişib. Özünün 24 yaşı var idi. Nişanlı idi. Avqust ayının 8-də toyu olacaqdı. Atası da uzun müddət hərbiçi olub".
Xatırladaq ki, 1995-ci il təvəllüdlü İlham Mirzə oğlu Nəbiyev ötən gün Qazax rayonunun Xanlıqlar kəndindəki su anbarında çimərkən boğulub. Onun meyiti sudan çıxarılıb və tibbi ekspertizaya aparılıb.
Faktla bağlı araşdırma aparılır.
Tətbiqimizi yükləyə bilərsiniz
