Bu ilin yanvar-aprel aylarında bir işçiyə düşən orta aylıq işlənmiş iş saatlarının miqdarı 147,9 saat təşkil edib.
Yeniavaz.com Dövlət Statistika Komitəsindən açıqlanan məlumatlara istinadən bildiri ki, ötən illə müqayisədə işçilərin iş saatının miqdarı azalıb. Belə ki, ötən ilin yekununa olan məlumata görə Azərbaycanda işçilərin orta aylıq işlənmiş iş saatlarının miqdarı bu ilin ilk 4 ayının göstəricidən 4,1 saat çox olub.
Azərbaycanda ən çox işləyənlər turizm və restoran sahələrində çalışanlardır. Qeyd etdiyimiz sahənin işçiləri ay ərzində orta hesabla 154,7 saat işləyirlər ki, bu da ötən illə müqayisədə cəmi 0,3 saat az olub. Ən az işləyənlər isə inzibati və yardımçı xidmətlərin göstərilməsi sahəsində çalışanlardır. Bu sahədə çalışanlar ay ərzində 139,3 saat işləyiblər və bu da ötən illə müqayisədə 12,1 saat az olub.
Digər sahələrdə isə ay ərzində iş saatlarının miqdarı belə olub:
İqtisadi fəaliyyət növləri | İş saatlarının miqdarı |
Kənd təsərrüfatı, meşə təsərrüfatı və balıqçılıq | 146,1 |
Mədənçıxarma sənayesi | 150,7 |
Emal sənayesi | 146,4 |
Elektrik enerjisi, qaz və buxar istehsalı, bölüşdürülməsi və təchizatı | 151,5 |
Su təchizatı, tullantıların təmizlənməsi və emalı | 154,0 |
Tikinti | 145,1 |
Ticarət; nəqliyyat vasitələrinin təmiri | 154,1 |
Nəqliyyat və anbar təsərrüfatı | 147,7 |
Turistlərin yerləşdirilməsi və ictimai iaşə | 154,7 |
İnformasiya və rabitə | 150,8 |
Maliyyə və sığorta fəaliyyəti | 147,4 |
Daşınmaz əmlakla əlaqədar əməliyyatlar | 149,7 |
Peşə, elmi və texniki fəaliyyət | 147,5 |
İnzibati və yardımçı xidmətlərin göstərilməsi | 139,3 |
Dövlət idarəetməsi və müdafiə; sosial təminat | 151,0 |
Təhsil | 142,9 |
Əhaliyə səhiyyə və sosial xidmətlərin göstərilməsi | 147,7 |
İstirahət, əyləncə və incəsənət sahəsində fəaliyyət | 151,7 |
Digər sahələrdə xidmətlərin göstərilməsi | 142,9 |