Kanadada yaşayan azərbaycanlılar yeni cəmiyyət yaratdılar - FOTOLAR

İyunun 9-da Kanadanın Toronto şəhərində 28 May Respublika gününə həsr edilmiş tədbir keçirilib. 450 nəfərdən artıq azərbaycanlının iştirakı ilə keçirilən tədbirdə “Azerbaijani Community of Ontario” adı altında fəaliyyət göstərəcək yeni cəmiyyətin yaradıldığı elan edilib və ictimaiyyətə açıqlanıb. Qurumdan Yeniavaz.com-a bildirilib ki, cəmiyyətin əsas məqsədi Kanadanın Ontario əyalətində yaşayan azərbaycanlılar arasında əlaqələndirmə və eləcə də mədəni irsin və dəyərlərin qorunması üçün tədbirlərin təşkil edilməsidir. Tədbirdə Ontario əyalətinin parlament üzvləri Roman Baber və Rachel Wilson də iştirak etmiş və azərbaycanlıları “Respublika günü” münasibətilə təbrik edərək yeni yaradılmış cəmiyyətə öz dəstəklərini bildiriblər.