Putin Ermənistana səfər edəcək - SƏBƏB

Rusiya prezidenti Vladimir Putinin oktyabrın 1-də Yerevana səfəri planlaşdırılır.

Yeniavaz.com APA-ya istinadla xəbər verir ki, bu barədə Rusiyanın Ermənistandakı səfiri Sergey Kopirkin mətbuat konfransında bildirib.

Onun sözlərinə görə, V.Putin Avrasiya İqtisadi Şurasının Yerevanda keçiriləcək iclasında iştirak edəcək.

Səfir həmçinin qeyd edib ki, 2018-ci ildə Rusiya-Ermənistan arasında ticarət dövriyyəsi 11 faiz artaraq 2 milyard ABŞ dolları təşkil edib.