İranın keçmiş prezidenti Mahmud Əhmədinejat İran xalqın hakimiyyətə qarşı narazılığından danışıb.
Yeniavaz.com “Anadolu” agentliyinə istinadən xəbər verir ki, keçmiş prezident Qum şəhərində görüşdüyü bir heyətlə ölkə rəhbərliyini tənqid edib. O bildirib ki, xalq İran hakimiyyətindən heç bu qədər narazı qalmayıb:
"İnsanların narahatlığının yüksək səviyyədə olmasını görmək üçün küçələrə çıxmaq kifayətdir. Biz həyatımız boyunca cəmiyyətdə bu qədər narazılığı görməmişdik”.
O bildirib ki, idarəetməyə qarşı etiraz edən insanlar asanlıqla inqilab düşməni adlandırılırlar:
"Bu gün cəmiyyət hamısı etiraz edir. Onda bütün insanlar inqilaba qarşı çıxır?"
Əhmədinejat görüşmədə həm də onu bildirib ki, əslində, inqilabın əleyhinə olanlar hakimiyyətdə ola-ola öz vəzifələrini icra etməyənlərdir.