“Vətəndaşlar poliklinikalara üz tutaraq peyvənd olunmalarını tələb edirlər” - Səhiyyə Nazirliyinin rəsmisi

Heç bir peyvənd yüz faiz xəstəlikdən qorumur.
Yeniavaz.com media.az-a istinadla xəbər verir ki, bu barədə Səhiyyə Nazirliyinin İctimai Səhiyyə və Sanitariya-Epidemioloji Nəzarəti Şöbəsinin müdiri Nəzifə Mürsəlova bildirib.
Onun sözlərinə görə, söhbət yalnız COVID-19 peyvəndindən getmir.
“Əhalinin kiçik bir hissəsində peyvənddən sonra anticism əmələ gəlmir. Eyni şey, koronavirusdan sağalanlarda da olur. Bəzi insanlarda xəstəlikdən sonra immunitet əmələ gəlmir”, - deyə o, bildirib.
Bəs xəstəlik nəticəsində əksəriyyətdə anticism əmələ gələrsə, onda peyvənd olunmaya bilərlər? Həkimin sözlərinə görə ilk 3-6 ay ərzində bu mümkündür.
Vaksinin mövsümiliyinə gəlincə isə müsahib hazırda bu suala cavab verməyin çətin olduğunu dedi:
“Hələ ki, peyvənddən sonra anticismlərin bədəndə nə qədər qalacağı tam aydın deyil. Bunun üçün daha çox müşahidə tələb olunur”.
Şöbə müdiri vaksinasiyaya ictimai meyl olduğunu vurğulayıb:
“Hazırda bir çox vətəndaş rayon poliklinikalarına üz tutur və peyvənd olunmalarını tələb edirlər. Onlar xəstələnməkdən qorxurlar, çünki təəssüf ki, hər birimizin COVID-19-dan dünyasını dəyişən dostları və ya qohumları var. Peyvən vurdurmaq üçün vaxtından əvvəl poliklinikalara gələn bir çox insandan gözləmələrini xahiş etmək məcburiyyətində qalırıq, çünki vaksinasiya mərhələli olacaq”.
Sonda o, bu il ərzində koronavirus infeksiyasına qalib gəlinəcəyinə ümidini ifadə edib.