ÜST Çinə niyə gedir?

Ümumdünya Səhiyyə Təşkilatının (ÜST) bir qrup mütəxəssisi COVID-19-un mənbəyi ilə bağlı araşdırma aparmaq üçün 14 yanvar tarixində Çinə gedəcək.
Yeniavaz.com xarici KİV-ə istinadən xəbər verir ki, bu barədə Çin Xalq Respublikasının Dövlət Səhiyyə Komitəsinin rəsmi veb saytında açıqlama verilib. ÜST-dən gələn mütəxəssislərin çinli alimlərlə elmi əməkdaşlıq edəcəyi bildirilib.
Qeyd edək ki, sözügedən komandanın səfəri 2021-ci ilin ilk həftəsi üçün nəzərdə tutulsa da, bəzi texniki səbəblərdən təxirə salınmışdı.