“Ucar rayon Mərkəzi Xəstəxanası” Publik Hüquqi Şəxsi tərəfindən elan edilən tender müsabiqəsinin qalibi məlum olub.
Yeniavaz.com xəbər verir ki, tenderin qalibi "Orxan-A" MMC olub. Bu şirkət “Ucar rayon Mərkəzi Xəstəxanası”na odun yanacağı satacaq. Xəstəxana odun üçün “Orxan-A" MMC şirkətinə 10 min 10 manat ödəyəcək.
Qeyd edək ki, “Orxan-A" MMC 07.03.2018-ci il tarixində dövlət qeydiyyatına alınıb. Nizamnamə kapitalı 10 manat olan MMC-nin hüquqi ünvanı Göyçay şəhəri, Nəsimi, ev 2/11-də yerləşir. Qanuni təmsilçisi Həşimov Abdulla Məcid oğludur.
Məlumat üçün onu da bildrək ki, Dövlət Neft Şirkətinin (SOCAR) “Azəriqaz” İstehsalat Birliyinin baş direktoru Ruslan Əliyevin 30 dekabr 2020-ci il tarixində “Azərtac”dövlət xəbər agentliyində yayımlanan açıqlamasında Ucar rayonunda qazlaşma səviyyəsinin 97-99 faizə çatdığı bildirilib.