Bu gün Rusiya Müdafiə Nazirliyinin rəsmi veb-saytında (mil.ru) yerləşdirilən xəbərin başlığında Dağlıq Qarabağ "respublikası" ifadəsində düzəliş edilib. Yeni variantda artıq "respublika" sözü götürülüb və bölgənin adı Dağlıq Qarabağ şəklində dəyişdirilib.
Yeniavaz.com xəbər verir ki, nazirliyin bu gün saytında yerləşdirilən xəbərə “Hərbi sülhməramlı həkimlərin səhra briqadaları DQR-nin yaşayış məntəqələrində 1100-dən çox sakinə yardım göstərdilər” (“Выездные бригады военных врачей-миротворцев оказали помощь более 1100 жителям в населенных пунктах НКР”) başlığı qoyulmuşdu. Qeyd edək ki, xəbərin başlığındakı DQR - Dağlıq Qarabağ Respublikasının abreviaturasıdır (sözün baş hərflərini saxlamaqla düzəldilən forma).Xəbərdə bildirilir ki, Rus sülhməramlıları Dağlıq Qarabağın ucqar yaşayış məntəqələrində hərbi həkimlər üçün çoxfunksiyalı həkim qrupları yaradıblar. Son bir gündə Rusiya hərbi həkimləri Martuni bölgəsinin Nnqi qəsəbəsinin 50-dən çox sakininə tibbi yardım göstərdilər. Ümumilikdə, Rusiya hərbi həkimləri 135 uşaq daxil olmaqla 1100-dən çox Dağlıq Qarabağ sakininə yardım göstərdilər.
Tətbiqimizi yükləyə bilərsiniz
