Neftçala rayon Xıllı kəndinin sakini Quliyev Güləhməd Vətən Müharibəsi iştirakçısı olmuş və hal-hazırda itkin hesab olunan oğlu – Quliyev Əkbərlə bağlı müraciət ünvanlayıb.
Yeniavaz.com xəbər verir ki, o, oğlunun döyüş yoldaşlarından kömək istəyib:
“Oğlum sentyabr ayının 21-də Neftçala “voenkomat”ından cəbhəyə çağırılıb. Məndə olan məlumata görə Füzuli istiqamətində gedən döyüşlərə qoşulub. 3-4 dəfə telefon vasitəsilə əlaqə saxlamışam və məlumat almışam ki, Şuşanın Şuşakənd kəndi ətrafında döyüşlərdə olub. Sonra da itkinlər siyahısında göstərilib. 4 aydır mən “salam” sözünü eşitməmişəm. Döyüşçü qardaşlarım, Cənab Ali Baş Komandan, hamınızdan xahiş edirəm, ola bilsin uşaq düşmən tərəfdə əsirlikdədir. Bütün aidiyyatı orqanların hamısı məlumatlıdır, axtarışlar gedir, ancaq 4 aydır heç bir xəbər yoxdur. Cənab prezident, bu balamızla bağlı sizdən xahiş edirəm. Və sizi qələbə münasibətilə təbrik edirəm”.
Tətbiqimizi yükləyə bilərsiniz
