2 generala “Suqovuşanın azad olunmasına görə” medalı verildi

Xəbər verdiyimiz kimi Azərbaycan Prezidenti İlham Əliyev Silahlı Qüvvələrin hərbi qulluqçularının “Suqovuşanın azad olunmasına görə” medalı ilə təltif edilməsi haqqında sərəncam imzalayıb. 
Yeniavaz.com xəbər verir ki, siyahıda iki generalın adı var - general-mayor Əliverdiyev Vüqar Əfqan oğlu və Həsənov Hikmət Hüseyn oğlu.
Qeyd edək ki, general-mayor Hikmət Həsənov bundan əvvəl həm “Füzulinin azad olunmasına görə”, həm də “Xocavəndin azad olunmasına görə” medalı ilə təltif olunub. 45 yaşlı general-mayor dekabrın 9-da isə “Qarabağ” ordeni ilə təltif edilmişdi.