FHN-dən AzTV-də baş verən hadisə ilə bağlı MƏLUMAT

Fövqəladə Hallar Nazirliyi “Azərbaycan Televiziya və Radio Verilişləri” QSC-nin ərazisində baş verən dağıntı ilə bağlı məlumat yayıb.

FHN-dən Yeniavaz.com-a verilən məlumata görə, nazirliyin Xüsusi Riskli Xilasetmə Xidmətinin və Dövlət Yanğından Mühafizə Xidmətinin müvafiq xilasetmə qüvvələri qeyd olunan ünvana cəlb olunub.

Hadisə yerində əməliyyat şəraiti qiymətləndirilərkən müəyyən olunub ki, inzibati binadakı 1 otaqda tavanda və döşəmədə dağıntı baş verib, nəticədə 1996-cı il təvəllüdlü Gülverdiyev Gülverdi Namiq oğlu dağıntılar altında qalaraq ölüb. 

Həyata keçirilən qəza-xilasetmə tədbirləri nəticəsində N.Gülverdiyevin meyiti dağıntılar altından çıxarılaraq aidiyyəti üzrə təhvil verilib.