Türkiyə Rusiyadan S-400 zenit raket sistemləri alması səbəbilə tətbiq olunan sanksiyalarla bağlı ABŞ-a cavab verəcəyini bildirib.
Yeniavaz.com xarici KİV-ə istinadla xəbər verir ki, Türkiyə rəsmiləri sanksiyalara görə, ABŞ-a cavab verəcəklərini bildirib:
"ABŞ-ın Türkiyəyə qarşı birtərəfli sanksiyalarını daxil olduğu S-400 hava müdafiə sistemlərinin tədarükü ilə əlaqədar bu gün açıqladığı qərarı qınayırıq və rədd edirik. ABŞ bu məsələni dialoq yolu ilə həll etmək təklifimizlə razılaşmayaraq birtərəfli sanksiyalara əl atır. ABŞ-ı bu gün elan edilmiş ədalətsiz qərara yenidən baxmağa dəvət edirik”.
Qeyd edək ki, ABŞ dünən Türkiyə Müdafiə Sənayesi İdarəsinə və bir neçə rəsmi şəxsə sanksiya tətbiq etmək barədə qərar verib.