Düşməndən intiqamımızı alan şəhid İntiqam - VİDEO

Vətən müharibəsinin qəhrəmanlarından biri də şəhid Abbasov İntiqam Yavər oğludur.
O, 1978-ci il sentyabrın 21-də Masallı rayonunun Köçəkli kəndində anadan olub. Ailədə 4 qardaşdan biri olan İntiqam 1985-ci ildə Sədrəddin Rəhimov adına tam orta məktəbin 1-ci sinfinə gedib və 1996-cı ildə həmin məktəbi uğurla bitirib.
1996-cı ildə hərbi xidmətə yollanan qəhrəmanımız 1999-cu ildə xidmətini başa vurub.
Uşaqlıqdan hərbiyə maraq bəslədiyi üçün 2000-ci ildən Naxçıvan Muxtar Respublikasında N saylı hərbi hissəsində gizir və tank komandiri olaraq işə başlayır. Aprel döyüşlərində də böyük şücaət göstərib. Uğurları, nailiyyətləri nəticəsində 2017-ci ildə baş gizir rütbəsini alıb. Dəfələrlə diplomlar, fəxri fərmanlar və medallarla təltif edilib.
İntiqam 2000-ci ildə ailə həyatı qurub, bir qız və bir oğlan övladı var.
O, sentyabrın 29-da Füzuli istiqamətində gedən döyüşlərdə qəhrəmancasına şəhid olub.
Yeniavaz.com "report"un şəhidin övladları və yaxınları ilə müsahibəsini təqdim edir: