Xəbər verdiymiz kimi noyabrın 10-da imzalanmış üçtərəfli Bəyanatına əsasən bu gün Ağdam şəhəri işğaldan azad edildi.
Yeniavaz.com xəbər verir ki, artıq bu gündən yeni dövrünə qədəm qoyan Ağdam şəhərinin işğal olunmamışdan öncə lentə alınan görüntüləri yayılıb. Belə ki, görüntülərdən də aydın olur ki, vaxtilə Ağdamda kifayət qədər yaşayış binaları, iş yerləri, kafe və restoranlar olub. Lakin, ermənilər tərəfindən viran qoyulan şəhər indi xarabalıqlar içindədir və binalar darmadağı edilib. Bununla yanaşı, tarixi- memarlıq abidələri, Cümə məscidi də yararsız hala salınıb. Ağdamın məşhur “Çay evi” də işğalçılar tərəfindən tamamilə dağıdılıb. Erməni terrorçularının bu addımı bir daha onların vandallığını bütün dünyaya sübut edir.
Xatırladaq ki, 27 ildən sonra bu gün Ağdam Cümə məscidində ilk dəfə azan səsləndirilərək, namaz qılınıb.
Tətbiqimizi yükləyə bilərsiniz
