Ərdoğan Pompeo ilə niyə görüşmədi?

Türkiyə prezidenti Rəcəb Tayyib Ərdoğanın ABŞ dövlət katibi Mayk Pompeo ilə görüşməyə vaxt tapmadığı bildirilir.
Yeniavaz.com “RİA Novosti”yə istinadən xəbər verir ki, ABŞ Dövlət Departamenitinin nümayəndəsi görüşmənin baş tutmamasıyla bağlı açıqlama verib. Nümayəndə açıqlamasında bildirib ki, bu görüşün baş tutmasını həm Türkiyə prezidenti və rəsmiləri, həm də dövlət katibi istəyərdi. Amma Türkiyə prezidentinin cədvəlində dəyişiklik olduğu üçün görüşmə alınmayıb.
O, Vaşinqton ilə Ankara arasında fikir ayrılıqlarının olduğunu etiraf etsə də, görüşmənin baş tutmasının səbəbinin bu olmadığını ifadə edib.
Qeyd olunur ki, Türkiyə ilə ABŞ arasındakı münasibətlərin böhran vəziyyətini almasına səbəb birincinin Rusiyanın ən son S-400 hava hücumundan müdafiə sistemlərini alması olub.