Biz döyüş meydanında qazandığımız qələbədə şəhidlər verdik. Allah bütün şəhidlərimizə rəhmət eləsin.

Yeniavaz.com xəbər verir ki, bunu Azərbaycan Respublikasının Prezidenti İlham Əliyev Şəhidlər Xiyabanından xalqa müraciətində bəyan edib.

Prezident bildirib ki, istər birinci Qarabağ, istər ikinci Qarabağ Vətən müharibəsi adlandırdığımız müharibədə şəhid olan əsgərlərimizə rəhmət, ailələrinə səbr diləyir:

“Yaralı soydaşlarımıza Allahdan şəfa diləyirəm. Biz xalqımızın, əsgərlərimizin canı, qanı bahasına torpaqlarımızı işğalçılardan azad edirik. Biz bu işğalçıları torpaqlarımızdan qovuruq və qovacayıq”.