Bayden: "Heç kəs demokratiyanı əlimizdən ala bilməyəcək"

ABŞ-dakı prezident seçkilərində namizəd Co Bayden heç kimin demokratiyanı onların əlindən ala bilməyəcəyini vurğulayıb.
Yeniavaz.com "Anadolu" agentliyinə istinadən xəbər verir ki, Bayden bu barədə öz "twitter" hesabında paylaşım edib.
Bayden, Delaver ştatındakı açıqlamasında, seçkilərdə qalib gələcəyinə şübhə etmədiyini deyərək, tərəfdarlarının sakit olmalarını istəyib.
ABŞ Prezidenti Donald Tramp isə qanuni olaraq verilmiş səslər sayılarsa, bu seçkiləri onun asanlıqla qazanacağını bildirib. Qanunsuz və gecikdirilmiş səslər hesablanarsa, digər tərəfin nəticələri oğurlaya biləcəklərini diqqətə çatdırıb.