Ermənistan prezidenti Armen Sarkisyan Rusiyanın RBK televiziyasına müsahibəsində yalan məlumatlar verib.
Yeniavaz.com xəbər verir ki, bu barədə Azərbaycan Xarici İşlər Nazirliyinin Mətbuat xidməti idarəsinin rəisi Leyla Abdullayeva “Twitter”də yazıb. O bildirib ki, Sarkisyan Dağlıq Qarabağ Muxtar Vilayətinin tarixi, demoqrafiyası, iqtisadi vəziyyəti barədə yalan danışıb:
“Ermənistan prezidenti 1980-ci illərin sonlarında 1 milyondan çox erməninin Azərbaycanı tərk etdiyini söyləyib. Fakt isə ondan ibarətdir ki, 1989-cu il siyahıyaalmasına görə, orada 390 min 505 erməni yaşayıb”.