“Nazirlər Kabinetinin qərarı yalnız təhsil müəssiəslərinə aiddir. Repititor və digər təhsillə məşğul olan qurumlara aid edilmir”.

Yeniavaz.com xəbər verir ki, bunu Təhsil naziri Emin Əmrullayev Nazirlər Kabineti yanında Operativ Qərargahın bu gün keçirilən brifinqində deyib.

Onun sözlərinə görə, hazırda iqtisadi fəaliyyətə təsir edəcək məhdudiyyətlərə əl atılmayıb.

Tibbi Ərazi Bölmələrini İdarəetmə Birliyinin (TƏBİB) Xəstəliklərin profilaktikası və kontrolu şöbəsinin müdiri Yaqut Qarayeva isə deyib ki, təhsil kursları ilə bağlı bəlli bir tələblər var:

"Adətən kurslara gedən şagirdlər yuxarı sinif şagirdləridir. Onların qaydalara əməl etməsinə nəzarət daha rahatdır".