Bu ilin sentyabr ayının 22-də baş tutacaq növbəti hərracda şəhər və kəndlərdə mövcud olan bir-sıra mədəniyət klublar satışa çıxarılacaq.
Yeniavaz.com xəbər verir ki, əvvəlki hərraclarda olduğu kimi bu dəfə də satışa çıxarılan obyektlərin qiyməti real bazar qiymətlərindən aşağıdır. Məsələn, Xaçmaz rayonunun Mollaburhan kəndində yerləşən 100,2 kv. metr sahəsi olan kənd klubu 157,5 kv. metr özəlləşdirilmiş torpaq sahəsilə birgə 1500 manata satışa çıxarılıb. Yaxud, Qusar rayonunun Uğur kəndində yerləşən 332,4 kv. metr sahəsi olan kənd klubu 734 kv. metr özəlləşdirilmiş torpaq sahəsilə birgə 6000 manata satışa çıxarılıb. Qeyd edək ki, bu klubda hazırda 3 nəfər işçi çalışır.
Keçiriləcək hərracla bağlı maraqlı məqam odur ki, Alıcqışlaq kənd klubu, Bərgüşad kənd Mədəniyyət evi, Mollaburhan kənd klubu və Uğur kənd klubu ötən ilin iyul ayının 2-də də hərraca çıxarıldığı halda, bu ilin sentyabr ayının 22-də baş tutacaq hərracda “təkrar hərrac” barədə heç bir qeyd yoxdur. Eyni zamanda qiymətlər də ötənilki səviyyədə saxlanılıb.
Aşağıdakı cədvəldə sentyabr ayının 22-də satışa çıxarılacaq klubların, mədəniyyət evlərinin siyahısını tədim edirik.
Obyektin adı |
Yerləşdiyi ərazi |
Obyektin sahəsi |
Torpağın sahəsi |
Satış qiyməti |
Alıcqışlaq kənd klubu | Xaçmaz rayonu, Alıcqışlaq kəndi | 260,7 kv. m | 296 kv. m | 5 000 azn |
Bərgüşad kənd Mədəniyyət evi | Ucar rayonu, Bərgüşad kəndi | 310,0 kv. m | 477,2 kv. m | 7 500 azn |
Mollaburhan kənd klubu |
Xaçmaz rayonu, Mollaburhan kəndi | 100,2 kv. m | 157,5 kv. m | 1 500 azn |
Sərkərli kənd klubu | Xaçmaz rayonu, Sərkərli kəndi | 66,1 kv. m | 1021,2 kv. m | 2 250 azn |
Avaranqışlaq kənd klubu | Qusar rayonu, Avaranqışlaq kəndi | 85,4 kv. m | 2075 kv. m | 7 000 azn |
Uğur kənd klubu | Qusar rayonu, Uğur kəndi | 332,4 kv. m | 734 kv. m | 6 000 azn |
Yuxarı Aran qəsəbə Mədəniyyət evi | Beyləqan rayonu, Yuxarı Aran qəsəbəsi | 754,4 kv. m | 3483 kv. m | 20 000 azn |
Milabad qəsəbə Mədəniyyət evi | Beyləqan rayonu, Milabad qəsəbəsi | 929,8 kv. m | 2 948 kv. m | 21 000 azn |
Şənlik kənd klubu | Ağcabədi rayonu, Şənlik kəndi | 611,9 kv. m | 5737,9 kv. m | 30 000 azn |
Qoxmuq istirahət zonası | Şəki rayonu, Qoxmuq kəndi | 317,4 kv. m | 2 867 kv. m | 25 000 azn |
A. Cəfərov