Bu ilin yanvar-avqust aylarında pərakəndə ticarət şəbəkəsində istehlakçılara 24,6 milyard manatlıq, o cümlədən 13,3 milyard manatlıq ərzaq məhsulları, içkilər və tütün məmulatları, 11,3 milyard manatlıq qeyri-ərzaq malları satılıb.
Yeniavaz.com açıqlanan rəsmi məlumatlara istinadən bildirir ki, ötən ilin müvafiq dövrü ilə müqayisədə pərakəndə ticarət dövriyyəsi real ifadədə 1,8%, o cümlədən qeyri-ərzaq malları üzrə 6,9% azalıb, ərzaq məhsulları, içkilər və tütün məmulatları üzrə isə 3,3% artıb. Elektron ticarət dövriyyəsi ötən ilin yanvar-avqust ayları ilə müqayisədə 2,2 dəfə çox olub.
2020-ci ilin və 2019-cu ilin yanvar-avqust aylarında alıcıların son istehlak məqsədilə aldıqları mallara xərclədiyi vəsait aşağıdaki kimi olub:
2020 Yanvar-Avqust | 2019 Yanvar-Avqust | |
Ərzaq məhsulları | 12 milyard 14,7 milyon manat | 11 milyard 78,3 milyon manat |
İçkilər və tütün məmulatları | 1 milyard 273 milyon manat | 1 milyard 139,8 milyon manat |
Toxuculuq məhsulları, geyim və ayaqqabılar | 3 milyard 593,5 milyon manat | 4 milyard 343,8 milyon manat |
Elektrik malları və mebellər | 1 milyard 358,7 milyon manat | 1 milyard 471,8 milyon manat |
Avtomobil benzini və dizel yanacağı | 1 milyard 331 milyon manat | 1 milyard 337,7 milyon manat |
Əczaçılıq məhsulları və tibbi ləvazimatlar | 439,6 milyon manat | 317,7 milyon manat |
2020-ci ilin yanvar-avqust aylarında əhalinin bir nəfərinə düşən orta aylıq pərakəndə ticarət dövriyyəsi 308,1 manat və ya 2019-cu ilin müvafiq dövrünün göstəricisindən nominal ifadədə 2,5 manat çox olub. Ticarət şəbəkəsində bir ölkə sakini orta hesabla ayda 166,7 manatlıq ərzaq məhsulları, içkilər və tütün məmulatları, 141,4 manatlıq qeyri-ərzaq malları alıb.
A. Cəfərov