Livanın paytaxtı Beyrutda baş verən partlayış səbəbilə ölənlərin sayı artıb.
Yeniavaz.com xarici KİV-ə istinadla xəbər verir ki, Beyrutda baş verən partlayışda ölənlərin sayı 135-ə çatıb. Yaralananların sayı isə 5 mini ötüb. Beyrut valisi Mərvan Abuud verdiyi açıqlamada bildirib ki, partlayış səbəbilə məcburi şəkildə evlərini tərk edən minlərlə vətəndaş ancaq, 2-3 aydan sonra qayıda biləcəklər.
Qeyd edək ki, Beyrut limanındakı partlayışa 2 min 750 ton ammonium nitrat maddəsinin səbəb olduğu bildirilir. Müxtəlif ölkələrdən olan təhlükəsizlik məsələləri üzrə bir çox mütəxəssis partlayışın hərbi sursat vasitəsilə gücləndirildiyi qənaətindədirlər. Faktla bağlı araşdırma aparılır.