Naxçıvanda avtobus aşıb, ölən var

Naxçıvanda yol-nəqliyyat hadisəsi baş verib.
Yeniavaz.com APA-ya istinadla xəbər verir ki, bu barədə Daxili İşlər Nazirliyinin mətbuat xidməti məlumat yayıb. Məlumata görə, iyulun 6-da saat 7 radələrində Babək rayonunun Nehrəm qəsəbəsi ərazisində qəsəbə sakini C.Vahabov idarə etdiyi “İsuzu” markalı avtobusu qaz borusuna və rabitə dirəyinə vurub aşırıb.
Nəticədə C.Vahabovun sərnişini Yusif Zeynalov hadisə yerində ölüb.
Babək Rayon Polis Şöbəsi tərəfindən araşdırma aparılır.