Maska taxmamağa görə hansı ölkədə nə qədər cərimə tətbiq olunur? - SİYAHI


Xəbər veriyimiz kimi, Milli Məclisin dünən baş tutan iclasında karantin rejimi dövründə tənəffüs yollarını qoruyan fərdi vasitələrdən (tibbi maska) istifadə ilə bağlı tələblərin pozulmasına görə cərimələrin 2 dəfə artırılmasına qərar verilib.
Yeniavaz.com xəbər verir ki, İnzibati Xətalar Məcəlləsinə edilən dəyişikliyə əsasən, karantin rejimində maska taxmaq tələbini pozmağa görə fiziki şəxslər üçün nəzərdə tutulan cərimə 50 manatdan 100 manata, vəzifəli şəxslər üçün cərimə 100 manatdan 200 manata, hüquqi şəxslər üçün cərimə isə 200 manatdan 400 manata artırılıb.
Bundan başqa, bu xətanın təkrar törədilməsinə görə nəzərdə tutulan cərimələr də iki dəfə artırılıb. Bu cərimələrin miqdarı fiziki şəxslər üçün 200 manat, vəzifəli şəxslər üçün 400 manat, hüquqi şəxslər 800 manat məbləğində olacaq.
Qeyd edək ki, İnzibati Xətalar Məcəlləsinə edilən bu dəyişiklik insanlar tərəfindən birmənalı qarşılanmayıb. Sosial şəbəkələrdə aparılan müzakirələrdən belə görünür ki, insanların müəyyən bir hissəsi cərimələrin yüksək olmasından narazılıq ediblər.
Məlumat üçün bildirək ki, maska taxmaq tələbini pozanlara qarşı tətbiq olunan cərimələrin məbləğinə görə Azərbaycan region ölkələri arasında ilk sıralard qərarlaşıb.
Yeniavaz.com region ölkələrində maska taxmaq tələbini pozmağa görə fiziki şəxslərə tətbiq olunan cərimələri təqdim edir:
ÖLKƏLƏR CƏRİMƏLƏR
MANAT MİLLİ VALYUTA ABŞ DOLLARI
Ukrayna 1 070 manat 17 000 qrivna 630 dollar
Türkiyə 225 manat 900 lirə 132 dollar
Azərbaycan 100 manat 100 manat 59 dollar
Rusiya 95 manat 4 000 rubl 56 dollar
Qazaxıstan 59 manat 14 000 tengə 35 dollar
Ermənistan 35 manat 10 000 dram 20 dollar
Qırğızıstan 22 manat 1 000 som 13 dollar
Gürcüstan 11 manat 20 lari 6,5 dollar


Onu da bildirək ki, Azərbaycan region ölkələrində 3 qatlı və simli tibbi maskanın orta qiymətini görə orta sıralarda qərarlaşıb. 
ÖLKƏLƏR MANAT MİLLİ VALYUTA ABŞ DOLLARI
İran 9 qəpik 800 tümən 5 sent
Türkiyə 25 qəpik 1 lirə 15 sent
Gürcüstan 28 qəpik 0,5 lari 16 sent
Azərbaycan 30 qəpik 30 qəpik 18 sent
Qazaxıstan 34 qəpik 80 tengə 20 sent
Rusiya 37 qəpik 15 rubl 22 sent
Belarus 42 qəpik 0,60 rubl 25 sent
Ermənistan 42 qəpik 120 dram 25 sent
Ukrayna 50 qəpik 8 qrivna 30 sent
 
A. Cəfərov

DİGƏR XƏBƏRLƏR

Top